Sağlam və Gümrah Bədən Üçün Ən Yaxşı Vitaminlər

Vitamin və mineralların istifadə sahələri və qəbul edilmə məqsədləri fərqlidir. İnsanlar artıq müəyyən dövrlərdə, hətta hər gün vitamin, mineral, qlükozamin, balıq yağı, probiotik və təbii bitki tərkibli qida əlavələrindən istifadə edirlər. Bu yolla özlərini gümrah hiss edərək və orqanizmin müqavimətini artıraraq sağlamlıqla bağlı mümkün mənfi hallara qarşı tədbir görməyə çalışırlar.

Sağlam qidalanmaq, bədənin enerji səviyyəsini yüksək saxlamaq və xəstəliklərə qarşı davamlı olmaq üçün əsas şərtdir. Lakin, müasir şəhər həyatı ilə gələn stress, həm fiziki, həm də zehni baxımdan enerji itkisinin yaranmasına səbəb ola bilər. Belə hallarda yorğunluq və halsızlığa qarşı müəyyən vitaminlər qəbul edilə bilər, eləcə də gümrah qalmaq üçün istifadə edilən multivitaminlərin gündəlik istifadəsi tövsiyə olunur.

Əvvəllər yalnız xəstəlik zamanı tövsiyə olunan vitaminlər bu gün artıq bütün yaş qrupları və dövrlər üçün tövsiyə olunur. Uşaqlar üçün vitaminlər, yaşlılar üçün vitaminlər, hamilə qadınlar üçün vitaminlər kimi fərqli qruplar üçün müxtəlif məhsullar mövcuddur. Uşaqlar üçün balıq yağı, hamilə qadınlar üçün fol turşusu (B9 vitamini), yaşlı insanlar üçün isə xüsusilə oynaq sağlamlığı üçün qlükozamin istifadəsi vacibdir.

Bundan əlavə, həzm sistemi üçün vitaminlər, immun sistemi üçün vitaminlər, gözlər üçün vitaminlər və dəri üçün vitaminlər kimi bədənin müəyyən orqanlarını qorumaq və dəstəkləmək məqsədilə istifadə olunan müxtəlif vitamin dəstəkləri də mövcuddur.

Bədənin fiziki müqavimətini artırmaq xüsusilə qış aylarında daha vacib olur. Bu aylarda xəstəliklərdən qorunmaq üçün C vitamini və sink istifadəsi önəm qazanır. Eyni zamanda siqaret çəkənlərə də mütəmadi olaraq C vitamini istifadəsi tövsiyə olunur. Qış aylarında günəş işığından yetərincə yararlana bilmədiyimiz üçün D vitamini çatışmazlığı da ortaya çıxır və bu vitaminin xaricdən əlavə olaraq qəbul edilməsi vacibdir.

Əgər iş həyatında monitor və ekran qarşısında çox vaxt keçirirsinizsə, göz sağlamlığınıza xüsusi diqqət yetirmək lazımdır. Gözlərinizlə bağlı hər hansı bir problemin qarşısını almaq üçün tərkibində Lutein və Zeaksantin olan göz vitaminlərindən istifadə tövsiyə olunur.

İş həyatına əlavə olaraq, nəqliyyat və gündəlik şəhər həyatının gətirdiyi qarışıqlıq da insan sağlamlığına mənfi təsir göstərir. Immun sisteminə mənfi təsir edən əsas səbəblərdən biri stressdir və stress şəhər həyatının qaçılmaz nəticələrindən biridir. Bu vəziyyətdən qorunmaq üçün Omeqa-3 və balıq yağı ən çox tövsiyə edilən qida əlavələri sırasındadır.

Sağlam həzm sistemi rahat və balanslı bədən deməkdir. Həzm sistemini sağlam saxlamaq və mümkün problemlərin qarşısını almaq üçün fol turşusu və B vitaminləri qəbul edilməlidir. Həmçinin antibiotiklərin çox istifadəsi bağırsaq florasını pozduğu üçün həzm problemlərinə səbəb ola bilər. Probiotik məhsullar bağırsaq florasını bərpa edərək həzm sistemi ilə bağlı narahatlıqların qarşısını almağa kömək edir.

Yuxarıda qeyd edilən müəyyən vəziyyətlər və dövrlərlə bağlı yaranan sağlamlıq problemlərinin qarşısını almaq üçün tövsiyə edilən vitamin və minerallar, uzun müddət ərzində və ya yaş artdıqca meydana çıxa biləcək sümük əriməsi və oynaq xəstəlikləri kimi ciddi problemlərin qarşısını almaqda, bu cür ağır xəstəliklərə qarşı orqanizmin müqavimətini vaxtında artırmaqda mühüm rol oynayır.

Zehni baxımdan enerjinizin azaldığı dövrlərdə də vitamin və əlavə qidaların qəbul edilməsi vacibdir. Gərgin iş tempi zamanı diqqətinizin dağılması və bəzi vacib məsələləri unutmağa başlamanız zehni yorğunluğun əlaməti ola bilər və belə hallarda yaddaş gücləndirici və ya unutqanlıq üçün olan vitaminlərdən istifadə etmək faydalıdır.

Orqanizmimizin sağlam və ideal şəkildə fəaliyyət göstərə bilməsi üçün hər hansı bir vitamin və ya mineral çatışmazlığının olmaması, sərbəst radikallardan qorunmaq üçün antioksidant xüsusiyyətli qidaların və ya əlavələrin qəbul edilməsi, ehtiyaclara uyğun şəkildə qidalanma, mütəmadi idmanla məşğul olmaq və yetərincə istirahət etmək çox önəmlidir.

Not: Vitaminlerdeki gibi, mesaj kısa gözükür , Devam et dedikde aclılır devamı, öyle yapa bilsek iyi olur.